Арыстың есірткі бизнесіне қарсы күрес бөлімшесінің бастығына қатысты тергеу басталды

Түркістан облысы бойынша Полиция департаментінің Арыс аудандық полиция бөлімінің есірткі бизнесіне қарсы күрес бөлімшесінің бастығына қатысты бірнеше рет алаяқтық жасады деген күдікпен сотқа дейінгі тергеуді бастады. Бұл туралы Oinet.kz хабарлайды.
Полиция майоры 2019 жылдың тамыз айында полиция қызметкері бола тұра, Шымкент қаласының азаматтарын алдау және сеніміне қиянат жасау арқылы жалпы сомасы 94 млн теңге тұратын қымбат «Lexus LX 570» және «Toyota Camry» маркалы 4 автокөлігін иемденіп және осыған ұқсас жолмен шартты түрде мерзімінен бұрын босатуға ықпал ету сылтауымен сотталғанның 33 мың АҚШ долларын құрайтын ақшалай қаражатын иемденіп алған деген күдікке ілінді. Ағымдағы жылдың 29 тамызында күдіктіге қатысты «күзетпен ұстау» түріндегі бұлтартпау шарасы санкцияланды.