№18 олимпиада резервінің мамандандырылған балалар-жасөспірімдер спорт мектебінің нәзік жанды арулары құрметке бөленді. Мереке қарсаңында мектеп ұжымының ер азаматтары арнайы сый-сияпаттарын жасады. Спорт мектебінің директоры Аблаев Мұзрафша-Жахангир Исақұлы өзінің жылы лебізін білдірді. Жыл мезгілінің ең көрікті де қуанышты мезгілі көктемнің алғашқы мерекесі – 8 Наурыз Халықаралық әйелдер күнімен құттықтады. «Сіздерге биылғы жылы да қуанышы мен қызығын ала келген төл мерекелеріңізді шадыман көңіл күймен қарсы алып, құшақтарыңыз гүлге толсын»- деген ақ тілегін білдірді.
Құрметті әріптестер! Ару көктемнің алғашқы мерекесі құтты болсын! Сіздерге шынайы көңілден зор денсаулық, баянды бақыт, отбасыларыңызға береке-бірлік, еңбектеріңізге мол табыс тілейміз!
