Бүгін Түркістан облысының санитариялық-эпидемиологиялық бақылау департаменті басшысының орынбасары Бахтыораз Елемесов өңірлік коммуникациялар қызметі алаңында брифинг берді.
Ол коронавирус инфекциясы бойынша эпидемиологиялық жағдайдың тұрақты, бағалау матрицасына сәйкес Түркістан облысы жасыл аймақта екендігін атап өтті. Бір апта көлемінде Covid-19 дың 11 жағдайы тіркелді. Соңғы екі тәулікте ПТР-дің оң нәтижелері анықталмаған.
Қазіргі уақытта облыста маусымдық тұмау және жедел респираторлы вирустық инфекция (ЖРВИ) аурушаңдықтықтарының маусымдық өсуі байқалады. Эпидмаусым басталғаннан бері ЖРВИ-дің 2 723 жағдайы тіркелсе, 2022 жылдың 11 айында ЖРВИ-дің 6 320 жағдайы тіркелді. 2021 жылдың ұқсас кезеңімен салыстырғанда 32,1%, 14 жасқа дейінгі балалар арасында аталған аурушаңдық 1,2 есеге төмендеген.
Ал, тұмау инфекциясы бойынша маусымдық 56 жағдайы тіркелді. 2021 жылдың осы кезеңімен салыстырғанда 7 есе өскен. 14 жасқа дейінгі балалар арасында 13 жағдай тіркелді (2021ж. 3 жағдай), аурушаңдық 4,3 есе жоғарылаған.
📌Құрметті облыс тұрғындары! Өздеріңізге белгілі кешегі күні ҚР Бас санитарлық дәрігері Айжан Есмағамбетова адамдар көп жиналатын жерлерде бетперде тағуды ұсынды. Алдағы мереке күндері жоғарыда аталған коронавирус, тұмау, ЖРВИ инфекциялық ауруларын болдырмау үшін сақтық шараларын ұстануға шақырамыз! Тұмау ауруының алдын алудың ең сенімді жолдарының бірі — профилактикалық екпе салдыру екендігін еске саламыз.
