Шымкент қаласы бойынша жолаушыларға 78 тұрақты маршрут, 10 тасымалдаушы компания қызмет көрсетуде. Жалпы автопарктерде резервпен қоса алғанда 1000 автобус бар. Күнделікті маршруттарға 873 көлік шығып, қала халқына қызмет жасайды.
2021 жылы қоғамдық көліктерге енгізілген «Төлем» электрондық билеттендіру жүйесі толық, кедергісіз жұмыс істеп тұр. Бүгінгі күнге дейін 310 мыңнан астам карта қолданысқа енгізілген.
Қаладағы қоғамдық көліктер 100% «I-kolik» қосымшасына ендіріліп, қазіргі таңда 200 мыңнан астам қолданушысы бар.
