Бүгін Шымкент қаласының білім басқармасы қосымша білім беру оқу салалық орталығының ұйымдастыруымен өзін-өзі басқару «Мектеп парламенттерінің» жылдық жоспарына сай «Қайырымдылық жасап жарысайық!» атты акция аясында Қаратау ауданы мектеп парламенттері «Біз бақытты баламыз»тақырыбында концерт өткізді.
«Сайрам көмекші мектеп-интернат- колледжі» тәрбиеленушілеріне керемет көңіл-күй сыйлады. Олар балаларға арнайы концерттік бағдарлама ұсынып, балаларға арнайы әзірлеген сыйлықтарын табыстады.
Жалпы, жастарды қайырымдылыққа, жақсылық жасауға бағыттау, олардың бойында азаматтық белсенділік, жауапкершілік дағдыларын дамыту, шығармашылыққа қабілетті, қоғам мен мемлекетті жетілдіру мүддесінде әрекет ете алатын жоғары мәдениетті, гуманистік бағыттағы азаматтарды тәрбиелеу мақсатында ұйымдастырылған қайырымдылық концерті көпшілік көңілінен шықты.
