Құрметті Шымкент қаласының тұрғындары, Қазақстан Республикасы Президенті Іс Басқармасы Медициналық орталығының жыл сайынғы “Менің сүйікті дәрігерім” акциясы биылда дәстүрлі түрде өз жалғасын табуда.
Акция аясында 28 қараша 2 желтоқсан күндері ҚР ПІБ Медициналық орталығы ауруханасының білікті дәрігерлері Шымкент, Жетісай, Мырзакент, Атакент, Асықата кенттерінде аялдап, 18-жастан асқан пациенттерге тегін кеңес береді. Бұл туралы қалалық денсаулық сақтау басқармасына сілтеме жасап Шымкент қаласы әкімдігінің баспасөз қызметі мәлімдейді.
Акцияның мақсаты – халыққа жоғары технологиялық медициналық көмек көрсетудің қолжетімділігін арттыру болаып табылады.
Мамандар тобында:
Кардиохирург Ерлан Денеев,
Аритмолог Ринат Камиев,
Ангиохирург Талғат Сәрсембаев, Кардиолог Назира Алибаева
Шымкент қаласы аумағында қабылдау күндері мен мекенжайы:
Шымкент қ. — 28 қараша. Шымкент Жүрек Орталығы
Қабылдау уақыты: 09:00-18:00 сағ. (түскі үзіліс 13:00-14:00 сағ.).
Кеңес алуға келген науқастың қолында жеке басын куәландыратын құжаты мен бұрынғы сараптамаларының нәтижесі болуы керек.
Дәрігердің дәл диагноз қойып, шешім қабылдауы үшін науқас әкелуі тиіс:
— кардиохирургқа: ЭКГ, ЭхоКГ хаттамасы, коронарография/ КТ дискісі және барлық үзінді көшірмелер, тексерулер, талдаулар;
— аритмологқа: ЭКГ, Холтер ЭКГ, ЭхоКГ хаттамасы.
— ангиохирургке: қантамырлары УДДГ, КТ немесе аортография дискісі және барлық үзінді көшірмелер, тексерулер, талдаулар.
-кардиологқа: жүрек УДДГ, ЭХОКГ хаттамасы, барлық үзінді көшірмелер, тексерулер, талдаулар.
Қабылдауға жазылу үшін + 7 701 203 03 88 немесе +7 7252 37-10-22 нөміріне хабарласа аласыздар. Немесе қабылдау өтетін күні Жүрек орталығына барып, тіркеуден өтуге болады.
Президенттің Іс басқармасы медициналық орталығының ауруханасына еліміздің түкпір-түкпірінен келіп қаралушылар мен ем алушылар қатары көп. Көп салалы аурухана кез келген пациентті барлық қажетті жағдаймен, яғни еліміздегі ең үздік медициналық құрал-жабдықтарды қолдануымен және сапалы тексеруден бастап операциядан кейінгі бақылау мен оңалтуға дейінгі қамтамасыз етуімен ерекшеленеді.
