Айғақты зат ретінде: 1500-ге жуық дәрі-дәрмектер, 4982 –дана бетперде, 10-дана қолғап алынды. Бұл туралы полиция.кз хабарлайды.
Атап айтқанда, Жетісай қаласы Ынтымақ ауылы, Көрікті көшесі бойында орналасқан «Мерей» дәріхана сатушысы 10-дана «медициналық бетперде» бағасы 100 теңгеден /бекітілген баға 60-теңге/, 5-дана «аскорбин қышқылы» 200 теңгеден /бекітілген баға 60-теңге/, 2-дана «Ринза» 600-теңгеден /бекітілген баға 500-теңге/, «Нимесил» 4300 теңгеден /бекітілген баға 3300/, 2-дана «цитромон у» 200-теңгеден /бекітілген баға 60-теңге/, 5-ампула «новокайн» бағасы 50-теңгеден /бекітілген баға 40-теңге/, 5-дана «Цефриаксон» бағасы 500 теңгеден /бекітілген баға 300 теңге/ сату барысында ұсталды.
Аталған дерек Жетісай АПБ-нің тіркеліп, заңдылығын тексеру үшін Қазақстан Республикасы Денсаулық сақтау министірлігінің тауарлар мен көрсетілетін қызметтердің сапасымен қауіпсіздігіне бақылау комитетінің Түркістан облысы бойынша басқармасына жолданды.
Одан бөлек, Зерделі елді-мекені Түркебай көшесіндегі тұрғынның есік алдында орналасқан азық-түлік дүкенінде заңсыз дәрі-дәрмек препараттарын сату жайты анықталды. Полицейлер жедел-іздестіру шарасы барысында айғақтық зат ретінде «Нол Грипп», «Кетанов», «Тетрациклин», «Платимазол», «Димидрол», «Мезим», «Тайлол хот» және т.б дәрі-дәрмектерді алды.
