КЕНТАУ: ЖОЛАУШЫЛАР ТАСЫМАЛЫ ҚАЛАЛЫҚ МӘСЛИХАТ НАЗАРЫҢДА!

Кентау қалалық мәслихатының бірлескен тұрақты комиссиялар отырысы болып өтті. Отырыстың күн тәртібінде:
Кентау қаласында әлеуметтік маңызы бар жолаушылар тасымалдарын жүзеге асырумен байланысты тасымалдаушылардың шығындарын бюджет қаражаты есебінен субсидиялау туралы.
Мәселені тыңдай келе, қалалық мәслихат депутаттары келесі ұсыныстарды берді:
— «Ауданаралық, ауданішілік, қалалық және қала маңындағы қатынастарда әлеуметтік маңызы бар қатынастар бойынша автомобильдік жолаушылар тасымалын жүзеге асырумен байланысты тасымалдаушылардың залалдарын субсидиялау» мемлекеттік көрсетілетін қызмет стандарттарың қадағалауды;
— Қазіргі қолданыстағы барлық қоғамдық көліктердің (газель, автобустардың) ішкі тазалығын қамтамасыз етуді;
— Қоғамдық көліктердің аялдамалардағы интервал уақыттарын ретке келтіруді;
— Қала көлеміндегі барлық қоғамдық көліктерінің сенбі, жексенбі күндері жүрулерін қамтамасыз етуді.