Ол «Еңбек ардагері» ведомстволық медалімен марапатталды. Қазан айының соңғы жексенбісі — Әлеуметтік қорғау жүйесі қызметкерлерінің кәсіби мерекесі. Осы күннің қарсаңында елордадағы Бейбітшілік және келісім сарайында саланың үздік қызметкерлерін марапаттау рәсімі өтті.
Арнайы шарада ҚР Еңбек және халықты әлеуметтік қорғау министрі Тамара Дүйсенова Түркістан облыстық Еңбек инспекциясының ардагері, зейнеткер Мұханмадияр Баяндиевті әлеуметтік-еңбек саласындағы көп жылғы адал еңбегі, сондай-ақ еңбек жолындағы жоғары нәтижелері үшін «Еңбек ардагері» ведомстволық медалімен марапаттады. Айта кетейік, Мұханмадияр Дарменұлы 1956 жылы Арыс ауданы Темірлан ауылында дүниеге келген. 2010 жылы Қазақстан Республикасы Еңбек және халықты әлеуметтік қорғау Министрлігінің бұйрығымен «Әлеуметтік жұмыс үздігі» төсбелгісімен марапатталған.
Айта кетейік, Жалпы, Түркістан облысында әлеуметтік қорғау саласында еңбек жасайтын 3 мыңға жуық қызметкер облыс халқының үштен бір бөлігіне (730 мың адам, (36%)) әлеуметтік қолдау шараларын көрсетуде.
Әлеуметтік қолдауларды көрсетуде биылдың өзінде 54,3 млрд.тг қаржы бөлінді.
Оның ішінде «Еңбек» бағытын жүзеге асыруға 22,8 млрд.теңге қаралып, 86 686 адам жұмыспен қамтылды, 3 мыңға жуық азамат қайтарымсыз грант алып өз кәсібін ашты.
Мүгедектігі бар азаматтардың 76 пайызы техникалық оңалту құралдары ұсынылды.
Атқарылған жұмыстардың нәтижесінде жұмыссыздық деңгейі 5,1 пайызға дейін, кедейлік деңгейі 2 есеге төмендеді.
Келесі жылы да халықтың табысын арттыру бағытында жұмыстар жүргізіледі.
Мемлекет Басшысы Қазақстан халқына жасаған Жолдауында ең төменгі жалақы 70 мың теңгеге дейін ұлғайтылатынын айтып өтті.
Бұл ретте, жалақы алатын 800 мың адамды тікелей қамтуға мүмкіндік береді.
Қазақстанның болашағы – жастарды қолдау мақсатында жастардың кәсіпкерлік бастамалары үшін 2,5%-дан жеңілдетілген шағын несие берілетіні көзделді.
