Кентау қаласы прокуратурасының ұйымдастыруымен Кентау қаласының аумағында ағымдағы жылдың 27-28 қазан күндері аралығында «Балалар қауіпсіздігі» жедел профилактикалық іс-шарасы өткізілді.
Іс-шараға қала прокуратурасының прокуроры Б.Абилкасымов, Кентау қаласы әкімінің орынбасары А.Байболова, қалалық полиция бөлімі басшысының бірінші орынбасары Б.Янкин, қалалық ішкі саясат, білім бөлімі басшылары мен мамандары және ювиналды полиция тобының инспекторлары қатысты.
Рейдтік іс-шараның мақсаты жасөспірімдер мен кәмелет жасқа толмаған балалардың арасындағы құқықбұзушылықтың алдын алу, олардың түнгі уақытта ойын-сауық орындарындағы көшеде жүруін болдырмау болып табылады.
Жүргізілгелген рейдтік іс-шара барысында заңды өкілдерінің еріп жүруінсіз түнгі уақытта ойын-сауық орындарында жүрген 11 жасөспірім анықталып, қалалық полиция бөліміне жеткізілді. Сондай-ақ, заңды өкілдеріне қатысты ҚР ӘҚБтК-нің 442-бабымен әкімшілік хаттамалар толтырылды.
Аталған іс-шара алдағы уақытта жалғасын табатын болады.
Мұнан өзге ауданда оқушылардың сабаққа келіп-кету уақытында қауіпсіздіктерін қамтамасыз ету, алдын алу бағытында «Абайлаңыз, балалар!» жедел профилактикалық іс-шарасы жүргізілуде.
Балалардың қауіпсіздігін қамтамасыз ету үшін аталған іс-шараға бала тәрбиесіне мүдделі органдар атсалысуда. Шара аясында аудандық полиция бөлімі қызметкерлерімен мектеп алдына және балалардың жүру жолдарына рейдтік іс-шаралар ұйымдастырылуда.
Сонымен бірге, мектеп инспекторлары мен мұғалімдер тарапынан балаларға жол қозғалысы ережелерін, көшеде өздерін дұрыс ұстау, жаяу жүргіншілердің қауіпсіздігі туралы ақпарат берілуде.
Жаяу жүргіншілер мен адам көп шоғырланатын жерлерде жүргізушілер мен жаяу жүргіншілер арасында сауалнамалар алынып, профилактикалық жұмыстар ұйымдастырылды.
