Келес ауданы аумағында «Қауіпсіз жол» іс шарасы өткізілуде. Аталаған шара 17 — 19 маусым аралығында өткізілуі жоспарланған. Іс шара барысында аудан көлемінде көлік жүргізушілеріне 2 000 жуық ескертпе парақтары таратылуы көзделген. Ескертпе парағында «жылдамды асырма, үйде отбасың күтуде, ішімдік ішіп көлік жүргізбе» деген сынды жазбалар жазылып, жүргізушірге ой салу мақсатында таратылуда. Сонымен қатар, ауылдық округтерд ің ішіндегі жолдар мен Республикалық басты жол бойына жол көлік оқиғасын алдын алу мақсатында, тұрғындарға ой салатын билбордтар ілінуде. Келес аудандық полиция бөлімі бастығының бірінші орынбасары, полиция подполковнигі Мадияр Алтынбеков: «Қазақтың сөзі бар ғой, «заңға бағынған құл болмайды» деген. Көлік жүргізушілері осы сөзге құлақ асса деген ниетіміз бар, аудандағы жүргізушілерге айтарым: жолда жүргенде жылдамдықты асырмай жүрсе, Сіздерді үйде бала шағаңыз, жақындарыңыз күтуде. Жол қауіпсіздігін қатаң сақтасаңыздар» — деп көлік жүргізушілеріне үндеу жасайды.
(с) Келес ауданы әкімінің баспасөз қызметі
