Сарыағаш ауданының білім бөліміне қарасты «Балдәурен» жазғы сауықтыру лагері Түркістан облысының
Бас мемлекеттік санитарлық дәрігерінің қаулысының талаптарын сақтай отырып өз жұмысын бастады.
Жазғы сауықтыру лагерінде 300-ге жуық Мақтарал ауданындағы су тасқыны кезінде зардап шеккен отбасылардың балалары, яғни Фирдауси жалпы орта мектебінің 2-11 сынып оқушылары демалуда. Аталған балалар 15 күн көлемінде жазғы сауықтыру лагерінде демалады. Балалардың бос уақытын тиімді пайдалану мақсатында жазғы сауықтыру орталығының жоспарынан тыс Сарыағаш ауданының білім бөліміне қарасты саз мектептері, білім бөлімі, жастар ресурстық орталығы және аудандық мәдениет үйі қызметкерлерімен жоспар түзіліп, бірқатар іс-шаралар өткізу жоспарлануда.
Сондай-ақ сауықтыру орталығына балалардың қауіпсіздігін қамтамасыз ету мақсатында медицина қызметкерлері мен полиция бөлімінің қызметкерлері жұмылдырылған.
(с) Сарыағаш ауданы әкімдігінің баспасөз қызметі
