Тарих беттерін парақтай отырып, жергілікті әскери басқару органдары Кеңес Одағынан бастау алады. 1918 жылы Орта Азияда әскери комиссариаттар құрылды. Қазақстанда бастапқы әскери құрылысты жергілікті жерлерде әскери бөлімдер жүзеге асырды. Республиканың реввоен Кеңесі «Қазақ әскери комиссариаты туралы» ережені бекітті. Сол кезде олар еңбек қазақ халқынан – Отанды қорғауға дайын Қазақ әскери бөлімдерін құру рөлін атқарды. Әр жылдары жергілікті әскери басқару органдары армия мен майданның қажеттіліктері үшін жұмылдыру ресурстарын жеткізуді жүзеге асырды.
Ұлы Отан соғысы жылдарында Оңтүстік Қазақстан облысының жергілікті әскери басқару органдары Отан қорғауға 140 000-нан астам сержанттар мен офицерлерді шақырып, майданға жіберді. Ал 1979-1989 жылдар аралығында Ауғанстандағы Кеңес әскерлерінің шектеулі контингенті құрамында біздің жерлестеріміз Оңтүстік қазақстандықтар оның ішінде: 2080 сарбаз, сержант, 106 офицер мен прапорщик өздерінің интернационалдық борышын абыроймен орындады. Тағы бір оқиға біздің жерімізді ғана емес, бүкіл әлемді дүр сілкіндірді – бұл Чернобыль атом электр станциясындағы апат. Бұл ел үшін оңай емес уақытта біздің Үкіметтің тапсырмасы бойынша оңтүстік өңірдің ЖӘБО әскери міндеттілерді шақыру бойынша жұмыс жүргізілді.
Тәуелсіздік пен егемендікке қол жеткізгеннен кейін жергілікті әскери басқару органдарында мемлекет тәуелсіздігінің қалыптасу кезеңінде бірқатар қайта құрулар жүргізілді.
2004 жылы ҚР ҚМ 2004 жылғы 5 наурыздағы директивасы негізінде Оңтүстік Қазақстан облыстық әскери комиссариаты Оңтүстік Қазақстан облысының қорғаныс істері жөніндегі департаменті болып өзгертілді.
2018 жылы 19 шілдеде Қазақстан Республикасы Президентінің Жарлығымен Шымкент қаласына Республикалық маңызы бар қала мәртебесі берілді, одан кейін Оңтүстік Қазақстан облысының қорғаныс істері жөніндегі департаменті Шымкент қаласының қорғаныс істері жөніндегі департаменті болып қайта аталды.
Бүгінгі күні ЖӘБО жергілікті атқарушы органдармен бірлесіп азаматтарды шақыру учаскелеріне тіркеу және оларды, оның ішінде запастағы офицерлерді мерзімді әскери қызметке және келісімшарт бойынша шақыру жөніндегі міндеттерді, сондай-ақ Қарулы Күштердің, басқа да әскерлер мен әскери құралымдардың қажеттілігі үшін жұмылдыру дайындығы мен жұмылдыруды өрістету іс-шараларын орындайды.
Бұдан басқа, ЖӘБО әскери қызметтің имиджі мен беделін көтеруге бағытталған қоғамдық іс-шараларға, сондай-ақ өңірлердегі қоғамдық бірлестіктер мен ардагерлер ұйымдары тартылатын өскелең ұрпақты патриоттық тәрбиелеуге белсенді қатысады.
Армияны цифрландыру аясында жергілікті әскери басқару органдары көрсететін қызметтердің 93% — ы электрондық форматқа көшірілгенін атап өткен жөн. Бұл азаматтарға барлық қажетті құжаттарды онлайн-форматта қашықтан алуға мүмкіндік береді.
Қазіргі заманғы азаматтардың жауынгерлік рухы аға ұрпақтың батырлығы мысалында күшейтіледі. Тарих соғыстың ерліктерін еске түсіріп қана қоймай, нағыз патриотизмнің үлгісін көрсетеді. Бүгінгі таңда ҚІД және ҚІБ Қарулы Күштердің дәстүрлерін жалғастырып, қойылған міндеттерді абыроймен орындауда.
Шымкент қаласы қорғаныс істері жөніндегі
департаменті бастығының орынбасары
подполковник Мадьяров Ринат Жадилович
