Бүгін музейде ерекше іс-шара болып өтті. Қазақтың біртуар ұлдарының бірі, данышпан ақын, ойшыл, дана ғұламаларының бірі, қазақ әдебиетінің шоқтығы биік ірі тұлғасы Абай Құнанбайұлының шығармашылығына арналған
“ Ұлы халықтың — ұлы Абайы” атты әдеби-сазды кеші өткізілді.
Іс-шарамыздың басты мақсаты Абай шығармашылығын кеңінен насихаттап, мұрасын халыққа жеткізу .
Әдеби-сазды кешіміздің шымылдығын музей басшысы Айгуль Шалабаевна ашып берсе, ары қарай осы іс-шарамыздың басты қонақтары болған, аудандық, облыстық «Абай оқуларының» жүлдегерлері мен саз мектебінің талантты жастары болды.
Мерекелік іс-шарамызда №1-қосымша білім беретін мектеп орталығының 8-сынып оқушылары
Айдосұлы Нұрлан, Тойшыбай Нұргүл Абай Құнанбаевтың өлеңдерін оқып, қара сөздерінен шашу шашса, Абай ауданы білім бөлімінің «14 мектеп- лицейінің», 9-6 сынып оқушылары, Сенько Евгения, Гусь Арина, Колябина Анастасия, Гимазетдинова Дарья жырдан алқа тағып, Абай бәрімізге ортақ ақын екенін тағы бір мәрте көрсетті десек артық емес. «Абай қаласының балалар өнер мектебінің» оқушысы Санай Жаннұр Абайдың күйі «Торы жорғаны» орындап кешіміздің әдемі нүктесін қойды.
Іс-шарамызға үлкен үлес қосқан, осындай өнерлі, талапты болашақ азаматтарымызды тәрбиелеп отырған Ұстаздарымызға мың алғыс. №1-қосымша білім беретін мектеп орталығының қазақ тілі мен әдебиеті мұғалімдері Камелхан Гүлжазира, Саттарова Дина Жолдыбаевнаға және Абай ауданы білім бөлімінің «14 мектеп- лицейінің қазақ тілі мен əдебиеті пəні мұғалімдері əдістемелік бірлестігінің жетекшісі Рыскүл Сатқұлқызы Қадауова мен «Абай қаласының балалар өнер мектебінің» оқытушысы Конкабаева Айнамкөз Батаевнаға үлкен алғысымызды білдіреміз! Еңбектеріңіз жана берсін! Кешіміздің соңында барлық оқушылар мен ұстаздарға алғыс хат пен кішігірім сыйлықтар табыс етілді.
