Тамыз айының үшінші жексенбісі спорт күні. Аталған күнге орай, Созақ аудандық орталық кітапхананың оқырмандарға қызмет көрсету бөлімінің ұйымдастыруымен Халықаралық дәрежедегі спорт шебері, әлем біріншілігінің төрт дүркін жеңімпазы, Азия біріншілігінің үш дүркін жеңімпазы, Европа біріншілігінің жүлдегері, жас спортшы, аудан мақтанышы, ҚР-ның 8 дүркін жеңімпазы Орынбасаров Қобыланды Сауранұлын оқырмандарға таныстыру бағытында «Спортты жанына серік еткен Қобыланды» атты кездесу кеші өтті.
Кездесу кешінде оқырмандар спорт саласында үлкен белестерді бағындырып жүрген Қобыланды Сауранұлына сұрақтар қойды. Еркін форматта пікір алмасты. Спорт саласындағы аға буын әріптестері ізгі тілектерін білдірді. Кездесуді қорытындылаған оқырмандарға қызмет көрсету бөлімінің басшысы Эльмира Қайдауқызы, спорт саласының қызметкерлерін Қоблынды Орынбасаровты кәсіби мерекелерімен құттықтап, сый-сияпат ұсынып, ілтипат көрсетті.
Айта кетейік, Қобыланды Орынбасаров гір көтеру спортынан әлем чемпионы. Гір көтеру спортынан Қазақстан Республикасының чемпионатында ұзын циклді көтеруден I орын алған спортшы. 2016 жылы Қостанай қаласында, наурызда Ақсай қаласында өткен екі сайыста да Қазақстан Республикасының чемпионатында І орын иеленді. 2016 жылы 14-18 шілде аралығында Латвия қаласында өткен Европа чемпионатында ІІ орын алды. 2016 жылы 26-30 қазан аралығында гір көтеру спортынан БҚО Ақтөбе қаласында өткен әлем чемпионатында І орын алып, әлем чемпионы атанды. 2017 жылы 14-16 ақпан аралығында Шымкент қаласында өткен ҚР чемпионатында І орын алып, әлем чемпионатына жолдама ұтып алды. 2017 жылы Оңтүстік Корея астанасы Сеул қаласында өткен гір тасын көтеру спортынан әлем чемпионы атанды. Созақ ауданы әкімінің дипломымен марапатталған. Алматы қаласындағы Қазақ туризм және спорт академиясын тәмамдаған.
