Түркістан облысы, Жетісай ауданының әкімі Жамантай Бейсенбаевтың тапсырмасына сәйкес жол жөндеу жұмыстары тоқтаусыз жүргізіліп келеді. Өткен 2019 жылы Жетісай ауданы бойынша облыстық және жергілікті бюджеттен бөлінген қаржылар есебінен жалпы ұзындығы 64,63 шақырымды құрайтын аудандық маңызы бар 2 автомобиль жолдары мен 80 ішкі көшеге орта жөндеу жүргізілді. Оған қоса, жалпы ұзындығы 39,7 шақырымды құрайтын 88 ішкі көшеге ағымдағы жол жөндеу жұмыстары жүргізіліп, тас төселген.
Мұндай игілікті істер биылғы жылдың басынан басталған қолайсыздықтарға қарамай өз жалғасын тауып келеді. Нақтырақ айтар болсақ, биылғы жылы аудан аумағында жалпы ұзындығы 32,76 шақырымды құрайтын 38 ішкі көшеге орта жөндеу және жалпы ұзындығы 83,3 шақырымды құрайтын 162 ішкі көшеге ағымдағы (тас төсеу) жол жөндеу жұмыстары жүргізіліп, тас төселетін болады.
Сонымен қатар, тағы 3 көшеге аяқ жол салу жоспарланып отыр.
2020 жылға жөндеу жұмыстары жүргізілуі жоспарланған көшелерден 11 көшеге орта жөндеу, 21 көшеге ағымдағы (тас төсеу) жөндеу жүргізіліп тас төселген. Ал, аяқжол салынуы тиіс 3 көшенің 2 көшесінде жұмыс жоспарға сай жүргізіліп, бүгінде толығымен аяқталды.
Бауыржан НАЙМАНОВ.
