Ана деген үш әріпке әлемнің бар асыл қасиетін біріктірген мағынасы терең бір ауыз сөз. Жоққа сабыр, барға шүкір етіп балалары үшін уайым жеп, болашағы жарқын болсын деп дұға тілеп отыратын, отбасының шырағын сөндірмей, отын тұтатып, шаңырақтың берекесін кіргізіп отырған аналарға үлкен құрмет әрдайым жарасады.
Сондай аналарымыздың шоқтығы биіктігін бір топ қылып жинап үздіктерінен «Қазақстан Аналары» атты энциклопедия жазып шыққан журналист Ажар Момбектің кітабының Ш.Қалдаяқов атындағы мәдениет сарайында тұсау кесері өтті. Жаңа басылымға Түркістан облысының түрлі саласында еселі еңбек еткен аналары жайында, атап айтқанда, денсаулық сақтау, білім беру, спорт және қарапайым жұмысшы аналардың өмірдеректері мен еңбектері баяндалған. Аталған кітапқа Кентау қаласының 20 аса аналарымыз енген.
Салтанатты шараға қала әкімі аппаратының басшысы Амалбек Өміртай, «AMANAT»партиясы Кентау қалалық филиалының консультанты Бейсен Самбетов қатысып, аналарға алғыстарын білдірді. Мерекелік шарада қаланың дамуына еңбек еткен аналарға партия филиалының алғыс хаттары табысталды.
«Қазақстан Аналары» энциклопедиясының авторы Ажар Момбек кітаптың тұсаукесер шарасының құттықтау сөзін алып, кітапқа енген аналарды «Ұмай ана», «Гаухар ана», «Домалақ ана», «Қарашаш ана», «Қарқабат ана» төсбелгілерімен марапаттады. Мерекелік шара қала өнерпаздарының концерттік бағдарламасымен жалғасын тапты.
Бір отбасы ғана емес ,тұтас елге үлгі өнеге көрсететін энциклопедия бетінен орын алған аналарымыз ұлықталды.
Алып та ,батыр да анадан туады .Әр отбасында ана бақытты болса ,онда тұтас ел бақытты болады .Елімізде әже тәрбиесінің де ,ана мейірімінің орны ерекше .
Жүздеріңізден күлкі ,көңілдеріңізден шаттық пен қуаныш кетпесін !
Әр ананың жүрегіне жол тапқан кітап редакторы Ажар Момбек ханымға ,Кентау қаласының аналарының бақыт бесігіне бөлеп , шаттығын асыруға үлес қосқан Жанна Алимбай ханымға айтар алғысымыз шексіз.
