Облыс әкімінің төрағалығымен өткен аппараттық апталық отырысында облыс аумағындағы коронавирус инфекциясын алдын алу мен санитарлық-эпидемиологиялық жағдай, облыс аумағында салынып жатқан мектептердің құрылыс жұмыстарының барысы, облыста жайылымдық жерді қайтару жұмыстарының барысы туралы мәселелері қаралған болатын.
Сала басшылары жоғарыдағы мәселелер бойынша атқарған жұмыстарын аудан әкіміне таныстырды.
Бірінші мәселеге қатысты аудандық санитариялық-эпидемиологиялық басқармасы басшысының орынбасары Ә.Баешовтың берген мәліметіне сәйкес, ауданда эпиджағдай тұрақты. Мекеме тарапынан ауданда аурудың алдын алу шаралары жүргізілуде.
Жыл басынан бері «COVID-19» аурушаңдығы бойынша эпидемиологиялық жағдай өсіммен «СОVID-19» расталған жағдайы» диагнозымен анықталған 137 науқас тіркелген.
Олармен тығыз қарым-қатынаста 246 адам тығыз қарым-қатынаста болғаны анықталып, бүгінгі күнге бақылауда тұрғандары жоқ. Симптомды түрі – 29, симптомсыз түрі – 108.
Науқас көп тіркелген ауылдық округтердің ішінде Ақсукент – 42, Қарабұлақ – 31, Көлкент – 21 жағдай.
Тіркелген 137 науқастың 128-і емделіп, 3-уі стационарлық, 6-уы амбулаториялық ем қабылдауда.
Науқастанғандар арасында КВИ ауруына қарсы егуін І компонентін алғандар — 3 адам, ІІ компонентін алғандар — 53 адам, ревакцинация алғандар -5 адам, егу алмағандар — 76 адам.
Жұқтыру орны бойынша талдау қорытындысымен науқаспен үй ошақтарында тығыз қарым-қатынаста болғандар арасында 21 жағдай тіркелді. Ұйымдасқан орындарда қарым-қатынаста болғандар – 6, қалған науқастар қоғамдық орындарда санитарлық талаптарды, яғни ара-қашықтықты сақтамаған, бетперде тақпаған, жеке бас гигиенасын сақтамаған анықталды.
Ауданда (U07.2) пневмониямен 22 жағдай тіркелді. Барлығы емделіп шыққан. Ауылдық округтерінің ішінде Ақсукент – 11, Қайнарбұлақ – 4, Қарасу және Көлкент – 3-ден, Қарабұлақ – 1 жағдай.
Келесі кезекте аудандық адами әлеуетті дамыту бөлімі басшысының міндетін уақытша атқарушысы Қ.Арап білім саласы бойынша 2022 жылы құрылысына қаржы қаралған мектептерді баяндады.
Манкент ауылдық округі, Манкент ауылындағы Айнабұлақ атындағы жалпы орта мектебі коммуналдық мемлекеттік мекемесі үш ауысымға өту қаупі бар, ыңғайластырылған мектеп, акт залы, арнайы пән кабинеттері, асханасы жоқ. Мектепке жаңа 600 орындық мектеп құрылысын салу үшін мемлекеттік сараптамадан өткізіліп, оң қорытындысы алынған. Облыстық бюджеттен 10,0 млн. теңге қаралып, мемлекеттік сатып алу конкурсына ұсынылған.
