Аудан әкімі Ұ.Сәдібеков Қарамұрт ауылдық округін аралау барысында бидай өсірумен айналысатын «Тажимат ата» шаруа қожалығының жұмысымен танысты.
Қожалықтың басшысы Хадиметов Дильмурад. Өзіне тиесілі жер көлемі 40 гектар аумақты құрайды. Жеріне егілген бидай сұрыпы «Стекловидная-24». Жиын терім науқанында 40 центнер гектарынан күтілуде. Бүгінгі таңда шаруашылықтың 6 техникасы бар, қосымша 3 техника жалға алынған.
Жалпы алғанда, аудан бойынша биылғы егілген дәнді бұршақты дақылдардың егіс көлемі 19 781 гектар. Оның ішінде күздік бидай 17001 гектарды құрайды.
Былтыр ауа-райының қолайсыз болуына байланысты күздік бидайдан алынған өнім көлемі гектарына 8,5 центнер болды.
Аудандағы ауыл шаруашылығы тауарын өндірушілер 20-25 күн ішінде астықты толық орып, жинап алады.
Аудан аумағында күздік бидайдың «Стекловидная-24», «Память-43», «Интенсивная», «Красноводопадская-23» және «Третикале» (Орда) сорттары егіледі.
Сонымен қатар аудан әкімі Уласбек Садибеков Қарамұрт ауылдық округіндегі «Мехнат-21» өндірістік кооперативіне қарасты 2 өнім алынатын алқаптың жұмысымен танысты.
Аталған кооперативтің басшысы Тайжанов Абрордың сөзінше, жер көлемі 5 гектар аумақты құрайды. Бір жерінен бірінші өнімі 1000 бумаға жуық жоңышқа алынды. Екінші өнімі сүрлемдік жүгері егіліп, өсірілуде. Алдағы уақытта әр гектарынан 40 тонна көлемінде өнім алынатыны күтілуде. Ағын су және техника жеткілікті.
Аудан әкімі ауыл шаруашылығында өндірілетін өнімдердің сапасы мен сұранысын, сонымен қатар өнімділікті арттыру бағытында жұмыстарды жалғастырудың қажеттілігін атап өтті.
Диханшылыққа арналған мемлекеттік қолдаулар және өзге де көмек түрлерін ұсынды.
Айта кетелік, аудан бойынша биылғы егілген дәнді бұршақты дақылдардың егіс көлемі 19 781 гектар болса, соның ішінде дәндік жүгері 260 гектарды құрайды.
