Қазіргі таңда бүкіл әлемді алаңдатып отырған коронавирус індетінің күннен-күнге өршіп отырғаны баршамызға аян. Аспанасты елінен бастау алған бұл вирус қазіргі таңда жарты жаһанды жаулап отыр. Барлық жағдайды ескере отырып, біздің елде де карантиндік режим енгізілді, шектеулер жасалды. Аталмыш ауруды жұқтырмаудың бірден-бір жолы – сақтық шараларын сақтап, тәртіпке бағыну. Бір реттік бетперде тағып, қолды үнемі залалсыздандырып отыру.
Міне осыған байланысты бүгін Жетісай қаласындағы адамдар көп шоғырланатын базарлар мен дүкендерде, халыққа қызмет көрсету орталықтары мен квазимемлекеттік мекемелерде аудандық «Жастар ресурстық орталығы» КММ қызметкерлері мен орталық жанынан құрылған ерікті жастар тобы, аудандық полиция бөлімінің инспекторлары бірлесе отырып аудан тұрғындарына короновирустың алдың алу, болдырмау мақсатында түсіндірме жұмыстарын жүргізіп, медициналық бетперделер таратты. Әсіресе, қала ішінде адам тасымалымен айналысатын такси жүргізушілеріне тәртіпті қатаң сақтау керектігін жеткізді.
Айта кетейік, айтулы шарада медициналық бетперделердің тұрғындарға тегін таратылуында қазақ эстрадасының жарық жұлдызы, Жетісайдың төл перзенті, әнші-композитор Асан Пердеш демеушілік жасады.
Жетісай ауданы әкімінің баспасөз қызметі
