СУҒА ШОМЫЛУ БОЙЫНША ҰЙЫМДАСТЫРЫЛҒАН РЕЙДТІК ІС-ШАРА

Жетісай ауданы төтенше жағдайлар бөлімі «Шомылу маусымы кезіндегі қауіпсіздік ережелерін сақтау» тақырыбында маусым айының 06-07 күндері сенбілік, рейдтік іс-шара ұйымдастырды. Рейдтік іс-шараға Жетісай ауданы әкімдігінен, аудандық полиция бөлімінен, №3 МӨСБ-нің қызметкерлерінен, аудандық «Жастар ресурстық орталығы» ерікті жастарынан жалпы 19 қызметкер жұмылдырылды. Аталған іс-шараға «САНҰР» қоғамдық телеарнасының қатысуымен К-26 және К-28 каналдарының бойында суға шомылып жатқан тұрғындарға қауіпсіздік ережелері бойынша түсіндіру жұмыстарын жүргізді және де аудан тұрғындарына жыл басынан облыс аумағындағы орын алып жатқан суға бату жағдайларын таныстырып өтті. Түсіндіру жұмыстарын жүргізу барысында №3 МӨСБ фелчері М.Сапаров тарапынан суға батқан адамдарға алғашқы медициналық көмек көрсету жолдарын көрсетті. Сонымен қоса рейдтік іс-шара барысында канал бойында балық аулаушылармен де қауіпсіздік ережелері түсіндірілді. Бөлім тарапынан дайындалған үгіт-насихат материалдарын дайындап канал бойында жақын орналасқан және шомылып жүрген адамдарға таратып, тиым салынған жерлерге шомылуға болмайтындығын ескере отырып жалпы 2578 жадынама таратылды.