Еңбекші ауданындағы Сайрам шағынауданының тұрғындары «Халық қатысатын бюджет» жобасына белсенді қатысып өз жобаларын ұсынған болатын. Нәтижесінде биыл 10 үйдің ауласы абаттандырылып, балалар ойын алаңшасы құрылады.
Қазіргі сәтте шағынаудандағы №№7,10 көпқабатты үйлердің ауласындағы ойын алаңшасы балалардың игіліген берілген болса, №6,9 үйлердің ауласында абаттандыру жұмыстары өз жалғасын тауып келеді. Сонымен қатар, өзге үй аулаларындағы жұмыстар да өндірістік кестеге сәйкес басталғалы тұр.
Сайрам шағынауданында көпқабатты 29 үй орналасқан. 2013 жылы шағынаудандағы барлық үй аулаларына абаттандыру жұмысы жүргізілген. Уақыт өте келе балалар ойын алаңшаларының бірқатары көнеріп, қайта құруды, жөндеуді қажет еткен.
Қала әкімі Мұрат Әйтеновтың тапсырмасына сәйкес, шағынауданындағы көпқабатты үйлердің аулаларын абаттандыру және балалар ойын алаңшаларын орнату алдағы 2022-2025 жылдарға жоспарланып отыр. Жоспарға сәйкес, жобаның іс-шара жоспары бекітілген.
Сайрам шағынауданында көпқабатты 29 үй орналасқан. 2013 жылы шағынаудандағы барлық үй аулаларына абаттандыру жұмысы жүргізілген. Айта кету керек, өткен жылы бұқаралық спортты дамыту мен тұрғындардың салауатты өмір салтын ұстануы үшін ықшам ауданда 2 ашық спорт алаңшасы орнатылып, ел игілігіне берілген болатын.
Айта кету керек, аталмыш жоба Сайрам шағын ауданының тұрғындарының «Халық қатысатын бюджет» жобасына белсенді қатысып, өз жобаларын ұсынуының нәтижесінде жүзеге асырылмақ.
Шымкент қаласы әкімдігінің баспасөз қызметі
