Түркістан облысы Төлеби ауданында ұлттық спорт ойындарының 7 түрінен ұйымдастырылған «Көшпенділер ойыны» өз мәресіне жетті. Шара ҚР Мемлекеттік рәміздерінің 30 жылдығы мен Төлеби ауданың 90 жылдығы мерекесіне орай өтті. Жамбы ату, теңге ілу, өгіз көтеру, аударыспақ, тоғызқұмалақ, қазақ күресі, арқан тартыстан жүйрік атанғандарды облыс әкімінің орынбасары Сәкен Амангелдіұлы, аудан әкімі Төлеген Тұртайұлы, аудандық мәслихат хатшысы Нұрлан Хамзаұлы құттықтап, сыйлықтарын табыстады. Жалпы көшпенділер ойыны балаларға және бүкіл әлемге көшпенді мәдениетінің байлығын көрсету үшін үлкен мүмкіндік. Яғни көшпенділер ойынының негізгі мақсаты – халықтар мен мәдениеттерді жақындастыру. Жеңімпаздар командалық есеппен анықталып, 1-орынды Төлеби ауданы, жүлде қоры – 300 мың теңге, 2-орынды Сарыағаш ауданы, жүлде қоры – 200 мың теңге, 3-орынды Жетісай ауданы алып, 150 мың теңге ақшалай жүлдені иеленді. Сондай-ақ, сайысқа қатысқан барлық командаларға 50 мың теңгеден ақшалай ынталандыру сыйлығы табысталды. Қорыта айтқанда көшпелі халықтардың ұлттық спорт жарысын өткізу ұсынысы 2012 жылы өткен Түркі тілдес елдердің саммитінде қолдау тапқан еді. Екі жылдан кейін Ыстықкөл жағалауында алғашқы дүниежүзілік көшпенділер ойындары өтті. Оған 19 мемлекеттің спортшылары қатысты. Дүбірлі дода спорттық жарыстармен шектелмеген. Ұйымдастырушылар көшпелі өркениеттің бай мәдени мұрасымен жан-жақты таныстыратын бағдарлама да дайындаған. Айта кету керек көшпенділер ойындары дүние елдерінің ынтымағын нығайтып, гуманизмнің идеалдарын таратуға, табиғатқа, адам коғамына болған мәмілені өзгертуге негіз бола алады.
Түркістан облысының Өңірлік коммуникациялар қызметі
