Шымкент қаласында қазір 204 га болған 113 жылыжай кешені орналасқан. Оның ішінде аумағы 71 га құрайтын 23 өнеркәсіптік жылыжайда ауылшаруашылық өнімдері өсірілуде. Бұл жылыжайларда жылына 17 мың тоннадан астам қызанақ, қияр және басқа да көкөніс өнімдері өндіріледі. Өнімдер ішкі нарықты қамтып қана қоймай, көрші елдерге экспорт жасалады. Жалпы жылыжай шаруашылығы оңай кәсіп емес. Әр өнім мұқият күтімді талап етеді.Ең бастысы қысы жазы көкөніс өсіріп, мол табысқа кенелуге болады. Тек көзін таба білу керек. Әрі бүгінгі таңда мелекет тарапынан қолдауларда көрсетіліп келеді. Баладай күтімді қажет ететін жылыжайдағы өнімдер, жергілікті жерден бөлек экспортқа да шығарылуда. Шымкентте өзге жылдармен салыстырғанда бұл шаруашылықтың көлемі де артып келеді.
Бүгінде қала тұрғындарына балғын көкөніс жеткізіп отырған кешеннің бірі – Бозарық тұрғын алабында орналасқан «Зауре» жылыжайы. Аумағы 3 гектарлы өндірістік жылыжай кешені 2020 жылы іске қосылған.
Жылыжай «Агроөнеркәсіптік кешен субъектісі инвестициялық салынымдар кезінде жұмсаған шығыстардың бір бөлігінің орнын толтыру бойынша субсидиялау» және тыңайтқыш құнын субсидиялау бағдарламалары бойынша мемлекеттен қолдау алғаннан кейін көкөніс өндіру ісі өркендеді.
Туркияның алдынғы қатарлы технологиясымен жабдықталды. Жылына 600 тонна өнім өндіріліп отырған агрокешенде 30-дан астам адам жұмыспен қамтылып, қызанақтың органза, мэрлис және тарелино түрлері өсіріліп жатыр. Өнімдер қала нарығы мен еліміздің солтүстік өңірлеріне саудаланады.
Шымкент қаласы әкімдігінің баспасөз қызметі
