Иә, Грибановтардың негізгі тұрағы осы Бозай ауылы. Бұдан бес жыл бұрын жұмыс бабымен Сарыағашқа көшкен . Алайда ол жақта жары қайтыс болып, отағасының да денсаулығы сыр берген. Екі қыз, бір баласымен елге оралған бұл отбасына ауыл тұрғындары қайырымдылық негізінде қаржы жинап, баспана сыйлайды. Сонымен қатар. үйге қажетті тұрмыстық заттар мен азық – түлігін де қоса әперіп, қорасын да малға толтырады. Ал Андрей Грибанов болса ауыл тұрғындарынан мұндай қамқорлық күтпедім дейді.
Андрей Грибанов — Бозай ауылының тұрғыны
Ал Абай ауылының тұрғыны Мәлік Айтымбетов 9 ұл – қыздың әкесі. Бүгінде ол 70 жәшік бал арасын ұстайтын ауылға аты мәлім омарташы. Үкіметтен 9 балаға атаулы әлеуметтік көмек ретінде 1 млн 498 мың теңге бөлінген. Осы қаржыға ол шаруасына қажетті керек – жарақтарын сатып алып, бүгінде балдың 10 түрін өндіріп жатқан жайы бар.
Мәлік Айтымбетов — омарташы
Ия, Келес ауданының Елбасы Жарлығымен қайта бөлініп шыққанына биыл екі жыл толып отыр. Алайда, берекелі тірлік бұл ауданда бұрыннан да бар. Дегенмен, ауданның өз алдына отау болуы- тұрғындарға үлкен дем бергені анық.
М. Атабек
shymkenttv.kz
