Ел Президенті Қасым-Жомарт Тоқаев өз жолдауында «Біздің күшіміз-бірлікте!» екендігін ерекше атап өтті. Мемлекет басшысының игі бастамасына Шымкент қаласының ардагерлері де қолдау білдірді. Осы мақсатта қаладағы ардагерлер қоғамдық бірлестіктері бір жағадан бас, бір жеңнен қол шығарып, Ұлы Жеңіс күні мерекесі қарсаңында салтанатты іс-шара ұйымдастырды. Меркелік шараға қоғамдық жұмыстарда белсенділік танытып жүрген 300-ге тарта ардагерлер қатысты. Мұндай шаралар арадегерлердің бірлігін арттырып, өскелең ұрпаққа патриоттық тәрбие береді дейді олар.
Бабай Алдабергенов / ҚР Қарулы Күштерінің ардагері/
Салтанатты шараны ұйымдастыруға үлес қосқандардың бірі «Семей-сынақ полигоны» қоғамдық бірлестігі. Бүгінде аталған ұйымға 1500-ға жуық ардагерлер мүше. Түрлі радияциялардың зардабын тартқан ардагерлер бүгінде мемлекеттің қолдауымен госпитальдар мен сауықтыру кешендерінде ем қабылдап тұрады.
Шара барысында жауынгерлік пен патриоттықты насихаттайтын естеліктер мен әңгімелер айтылды. Қоғамдық жұмысқа белсенді араласып жүрген ардагерлерге құрмет көрсетілді. Дастархан жайылып, марқұм болған азаматтардың рухына арнап құран бағышталды. Осылайша ардагерлер «Қоғамның қуатты күші бірлікте» екендігін іспен көрсетті.
