Орталық Азия инновациялық университетінде «Жас маман — 2022» бос жұмыс орындарының жәрмеңкесі өтті.
Жәрмеңкеге мемлекеттік және құқық қорғау органдарының, сот, нотариус, квазимемлекеттік секторлар мен жеке компаниялардың қызметкерлері тартылды.
Басты мақсат — болашақ мамандардың жұмысқа орналасуына жағдай жасау, мемлекеттік қызмет және құқық қорғау органдарына жұмысқа тұру тәртібімен таныстыру болып табылады.
Аталған іс-шараға Сыбайлас жемқорлыққа қарсы іс-қимыл Агенттігінің Шымкент қаласы бойынша департаментінің өкілі қатысып, жас түлектерге мекемеге орналасу тәртібі мен тестілеу бағдарламасы бойынша ақпарат берді.
Өз кезегінде студенттер Департаменттің жұмысына қызығушылық танытып, сұрақтарын қойды.
