Түркістан өңіріне танымал полиция подполковнигі Данияр Мейірхан, өзінің парақшасында жемқорлыққа қатысты пікірін білдірді. Ол өз жазбасында: «Соңғы күндері елде жоғары лауазымды полиция қызметкерлерінің ұсталғаны туралы жиі еститін болып кеттік. Менің ойымша, бұл барлық деңгейдегі басшылар үшін сигнал болуы тиіс. Жеке бастың амбициялары үшін емес, максималды түрде халық игілігі үшін жұмыс жасау керек», деді -ол Фейсбук парақшасында.
Подполковниктің оқырмандары жазба астына «Шыншылдығыңызға тәнтімін», «Сізді қолдаймыз, ІІМ басқаруға өтініш беру керексіз» деген пікірлер қалдырған.
Айтып өтейік, Данияр Мейірхан 2020 жылдан бері Түлкібас ауданының полиция бастығы қызметін атқарып келеді.
