Жасыратыны жоқ көпшілік белігілі бір ауру ошақтарына, мекемелерге немесе жеке тұрғын үй аулалары т.б орындарын дезинфекциялау жұмыстарымен санитариялық-эпидемиологиялық бақылау мекемесі айналысады деген пікірде. Бірақ ол қате түсінік.
Түркістан облысында залалсыздандыру жұмыстарымен мемлекеттік мекеме «Дезинфекция орталығы» және түрлі ЖШС мен жеке кәсіпкерлер айналасады.
Жоғарыда атап өтілген «Дезинфекция орталығы» мемлекеттік мекемесі өңіріміздегі эпидемиологиялық қолайсыз табиғи ошақтарда мемлекеттік тапсырыс негізінде залалсыздандыру жұмыстарын жүргізеді. Және ошақтарда жүргізілген залалсыздандыру жұмыстары Түркістан облысының СЭБД-нің толық бақылауында.
Мәселен, 2021 жылы тері лейшманиозы, безгек ауруларының алдын-алу бойынша Арыс қаласы, Отырар, Шардара аудандарына қарасты 33 елдімекеннің 298 709 гектар аумақтарына (2 рет) , 15 255 га жерге (2 рет) дератизация, Мақтаарал, Жетісай, Шардара аудандары бойынша 14 елдімекенде анофилогенді су қоймаларында 45,4 га (2 рет) және конго қырым геморрагиялық қызбасына қарсы 94 609 501 шаршы метр аумақтарға залалсыздандыру жұмыстары жүргізілген.
Соңғы уақытта дезинфекция жасайтын жеке кәсіпкерлердің саны жыл сайын артып келеді. Тұрғын үйлерге, жұмыс орындарыңызда шыбын-шіркей, жәндіктер мен егеуқұйрықтарға қарсы жұмыстарды жүргізу үшін жұмыс тәжірибесі мол, мамандары арнайы дайындықтан өткен тәжірибелі дезинфекциялық мекемелерге жүгіну керектігін айтып өткен жөн.
Дезинфекциялық қызметпен айналысатын әрбір мемлекеттік мекеме, немесе ЖШС, ЖК көрсетілетін қызметтердің тиімділігі мен қауіпсіздігін қамтамасыз етуі тиіс. Химиялық препараттарды дұрыс пайдаланбаған жағдайда адам өміріне қауіп төндіруі мүмкін.
Дезинфекциялау жұмыстары кезінде тамақ өнімдерінің беттері тығыз жабылғаны жөн. Қолға, бетке және дененің басқа ашық жерлеріне тамған жағдайда сабынмен жуу қажет. Дезинфекциядан кейін міндетті түрде терезелерді ашып, үй-жайды желдету керек.
Қосымша ақпарат:
ҚР 2020 жылғы 7 шiлдедегi «Халық денсаулығы және денсаулық сақтау жүйесі туралы» заңға сәйкес, инфекциялық және паразиттік аурулардың пайда болуының, таралуының алдын алу мақсатында жеке және заңды тұлғалар өз қаражаты есебінен профилактикалық, сондай-ақ эпидемиологиялық көрсетілімдер бойынша дезинфекция, дезинсекция және дератизация жүргізуге міндетті, және халықтың санитариялық-эпидемиологиялық саламаттылығы саласындағы мемлекеттік органның лауазымды адамдарының нұсқамалары, қаулылары бойынша өз қаражаты есебінен дезинфекция, дезинсекция және дератизация жүргізуге міндеттілігі туралы хабарлайды.
